Taaguutit nassuiarnerat
Immikkoortoqarfik: Taaguut taanna Namminersorlutik Oqartussani imaluunniit kommunini atorfeqarnermut immikkoorutitut taaguutaavoq.
Piffissaq tamakkerlugu sulisut amerlassusaat: Taanna tassa atorfillit kvartalimi ataatsimi sullivigisaat kvartalimi ataatsimi timenut aalajangiussanut agguarlugu. (ukiumut sulinermut naleqqatigiissitat).
Atorfillit amerlassusaat: Taanna tassa kvartalimi ataatsimi atorfillit amerlassusaat. Inuk ataaseq arlaleriarluni kvartalimi ataatsimi naatsorsugaasinnaasarpoq, inuk atorfinni suliani assigiinngitsuni arlalinni atorfeqarsimaguni, ataatsimulli katinnerini ataasiinnartut naatsorsugaasarpoq.
Atorfinni sulianut immikkoortiterineq: Taanna tassa atorfillip suliaa tunngavigalugu COFOG immikkoortulersuineranut inissititerineq. Taassuma saniatigut pisortat aningaasaqarnerat pillugu nassuiaasiap nassuiarnera malillugu. Pisortat aningaasaqarnerat.
Aningaasarsisitseriaaseq: Taanna taaguut atorfillip qaammammorsiaqartuuneranik akunnermusiaqartuuneranilluunniit ersersitsivoq.
Akissarsiallit immikkoortinneri: Taanna taaguut Damarks Statistikimi taaguutip (suliffeqarnermi inissisimanermut kode) isumaatigut assigaa, Danmarks Statistikip massumatut nassuiaasiornermi atugaa. Taaguutip atorneqarnerata pisortat pisortamullu tulliusut, akissarsiallit allat ilinniartut lærlingelu sulisut immikkoortinnissaat siunertaraa. Akissarsiallit immikkoortinnerat pisarpoq atorfiup taaguutaa isumaqatigiissullu malillugit. Immikkoortuliinerup KISCO-p immikkoortuliineranit allaanerussutissaa atorfiit pisortanut tulliusoq atorfimmut pisortamut assigiissinneqartarnerat, taamatullu akissarsialinnut allanut tunngatillugu ilinniartut lærlingellu immikkoortinneqartarlutik. Immikkoortulinermi nassuiaat Kalaallit Nunaanni Naatsorsueqqissaartarfiup nittartagaani atuarneqarsinnaavoq.
Pisortat naatsorsuutaasa immikkoortulernerat (Naatsorsuutit immikkoortulernerat): Immikkoortuliinermut suliaq aallaaveqarpoq Namminersorlutik Oqartussat kommunillu naatsorsuutinik immikkoortuliinermut siunertarisaasa malinnissaat.
Sulinermut atuuffik (KISCO): Taanna naatsorsuineruvoq sulisup atuuffianut atorfiatalu qaffasissusianut. International Standard Classification of Occupations (ISCO-08) kalaallisut oqaasertalernera tamatumani atorneqarpoq. Immikkoortulersuinerup nassuiarnera Kalaallit Nunaanni Naatsorsueqqissaartarfiup nittartagaani atuarneqarsinnaavoq, ilanngullugit atuarneqarsinnaapput pisortaqarfinni atorfimmut taaguutit, immikkoortulersuinermi pingaarnertut malillugit, isumaqatigiissutilli pingaannginnerutinneqarput.
Isumaqatigiissutit malillugit immikkoortulersuineq: Pisortani sulisut isumaqatigiissutit malillugit isumaqatigiissutinullu immikkoortulersukkanut inissisimapput. Immikkoortulersuineq tamanna aallaavittut atorneqarpoq. Paasiuminarnerunissaalu pillugu isumaqatigiissutit arlallit ataatsimoortinneqarput. Tassalu isumaqatigiissutit immikkoortulersukkat 191-it immikkoortulersukkanut 30-nut inissinneqarlutik.